#kadamkadha #malayalamkadamkadha #കടങ്കഥകൾ 

മലയാളം കടങ്കഥകൾ ചോദ്യങ്ങളും ഉത്തരങ്ങളും | Malayalam Kadamkadha With Answers | Riddles Malayalam 

 

 

അകത്ത് പോയപ്പോൾ പച്ച, പുറത്ത് വന്നപ്പോൾ ചുവപ്പ്.

Ans :  വെറ്റില മുറുക്ക്

 

മുള്ളുണ്ട് മുരിക്കല്ല, പാലുണ്ട് പശുവല്ല, വാലുണ്ട് വാനരനല്ല, നൂലുണ്ട് പട്ടമല്ല

Ans :  ചക്ക

 

ഞാന്‍ നോക്കിയാലെന്നെ നോക്കും ഞാന്‍ ചിരിച്ചാലവനും ചിരിക്കും

Ans :  കണ്ണാടി

 

പകലെല്ലാം മിന്നിമിന്നി രാത്രി ഇരുട്ടറയില്‍

Ans :  കണ്ണ്

 

കാലില്‍ പിടിച്ചാല്‍ തോളില്‍ കയറും

Ans :  കുട

 

കണ്ടാൽ സുന്ദരൻ തൊട്ടാൽ ഭയങ്കരൻ

Ans :  തീ

 

ഒരമ്മ പെറ്റതെല്ലാം തൊപ്പിക്കാര്

Ans :  തീപ്പട്ടി കൊള്ളികള്‍

 

പിടിച്ചാല്‍ ഒരു പിടി അരിഞ്ഞാല്‍ ഒരു മുറം

Ans :  ചീര

 

അങ്ങേ വീടിലെ മുത്തശ്ശിക്ക് ഇങ്ങേ വീട്ടില്‍ മുറ്റമടി

Ans :  മുള

 

രണ്ടു കിണറിന് ഒരു പാലം

Ans :  മൂക്ക്

 

കിലുകിലുക്കം കിക്കിലുക്കം ഉത്തരത്തിൽ ചത്തിരിക്കും

Ans :  താക്കോൽ കൂട്ടം

 

ഒരു കുപ്പിയിൽ രണ്ടെണ്ണ

Ans :  കോഴി മുട്ട

 

കാള കിടക്കും കയറോടും

Ans :  മത്തൻ

 

മുറ്റത്തെ ചെപ്പിനടപ്പില്ല

Ans :  കിണർ

 

തിന്നില്ല കുടിക്കില്ല, തല്ലാതെ മിണ്ടില്ല

Ans :  ചെണ്ട 

 

ഏറ്റവും ഉള്ളില്‍ അറബിക്കടല്‍ അതിനു മേലെ വെള്ളിത്തകിട്‌ അതിനുമേലെ പൊന്നിന്‍ തകിട്‌ ചുറ്റിലും പൊന്തം പൊന്തം

Ans :  തേങ്ങ

 

ഇത്തിരി മുറ്റത്തഞ്ച്‌ കഴുകോല്‍

Ans :  കൈവിരല്‍

 

ഞെട്ടില്ല വട്ടയില

Ans :  പപ്പടം

 

ചട്ടിത്തൊപ്പിക്കാരന്റെ കുടവയർ കണ്ടാല്‍ കാലികളുടെ വായില്‍ തേനൂറും

Ans :  വൈക്കോല്‍

 

അരയ്ക്ക് കെട്ടുള്ളവൻ നിലമടിച്ചു

Ans :  ചൂല്

 

മിണ്ടാതെ കാര്യം പറയാൻ മുഖംമൂടിയെടുത്തു മുട്ടിലിടും

Ans :  പേന

 

കഴുത്തുണ്ട് കാതില്ല, കൈയ്യുണ്ട് കാലില്ല

Ans :  ഷർട്ട്

 

ആനയ്ക്ക് നിൽക്കാൻ നിഴലുണ്ട്, ജീരകം പൊതിയാൻ ഇലയില്ല

Ans :  പുളിമരം

 

അങ്ങുരുണ്ടു ഇങ്ങുരുണ്ടു അങ്ങാടിമുറ്റത്തൊന്നുരുണ്ടു

Ans :  കുരുമുളക്

 

അകത്തിരുന്നു പുറത്തേക്കു നാവു നീട്ടി

Ans :  ഓവ്

 

മണ്ണു വെട്ടി പാറ കണ്ടു പാറ വെട്ടി വെള്ളി കണ്ടു വെള്ളി വെട്ടി വെള്ളം കണ്ടു

Ans :  തേങ്ങാ

 

ആകാശം മുട്ടെ വളരും മരം, കാക്കക്കിരിക്കാൻ പറ്റൂല

Ans :  പുക

 

അകത്തറുത്താൽ പുറത്തറിയും

Ans :  ചക്കപ്പഴം

 

പിടിച്ചാൽ പിടികിട്ടില്ല, വെട്ടിയാൽ വെട്ടേൽക്കില്ല

Ans :  വെള്ളം

 

അച്ഛനൊരു പട്ടുതന്നു, മുക്കീട്ടും മുക്കീട്ടും നനയുന്നില്ല

Ans :  ചേമ്പില 

 

അകത്ത് തിരിതെറുത്തു, പുറത്ത് മുട്ടയിട്ടു.

Ans :  കുരുമുളക് 

 

താഴെയും മുകളിലും തട്ടിട്ടിരിക്കു കുഞ്ഞിരാമന്‍

Ans :  ചെണ്ട 

 

അനുജത്തി ചോന്നിട്ട്, ഏട്ടത്തി പച്ചച്ച്, മൂത്താച്ചി മഞ്ഞച്ച്

Ans :  ഇല  

 

അങ്ങേലെ മുത്തീം മുക്കിലിരിക്കും, ഇങ്ങേലെ മുത്തീം മുക്കിലിരിക്കും.

Ans :  ചൂല്

 

ഇത്തിരി മുറ്റത്തു അഞ്ചു കാവൽക്കാർ

Ans :  കൈവിരൽ

 

അകം എല്ലും തോലും പുറം പൊന്ത പൊന്തം

Ans :  വൈക്കോൽത്തുറു

 

അങ്ങോട്ടോടും ഇങ്ങോട്ടോടും, മേലേനിന്ന് സത്യം പറയും

Ans :  തുലാസ്

 

അക്കരെ വെടി പൊട്ടുമ്പോൾ, ഇക്കരെ കുട വിരിയുന്നു.

Ans :  ഇടിവെട്ടി കൂൺ മുളയ്ക്കുക

 

നീണ്ടു നീണ്ടു മാനം നോക്കി പോകുന്ന പച്ചക്കുപ്പായക്കാരന്‍

Ans :  മുള

 

നിത്യം കുളിക്കും ഞാന്‍..മഞ്ഞ നീരാടും ഞാന്‍.. പിന്നെ ഇരിക്കും ഞാന്‍ കാക്കയെ പോലെ

Ans :  അമ്മിക്കല്ല്

 

കുത്തിയാല്‍ മുളക്കില്ല വേലിയില്‍ പടരും

Ans :  ചിതല്‍

 

മുറ്റത്തുണ്ടൊരു പോലീസേതോ കളവുതേടി നടക്കുന്നു

Ans :  കോഴി

 

എഴുത്തുണ്ട് പുസ്തകമല്ല, ചിത്രമുണ്ട് ചുവരല്ല, വട്ടത്തിലാണ് ചക്രമല്ല

Ans :  നാണയം

 

കറുപ്പാണ് എന്‍റെ നിറം, നീ എവിടെ പോയലും നിന്‍റെ കൂടെ ഞാനും വരും

Ans :  നിഴല്‍

 

ചില്ലക്കൊമ്പേല്‍ ഗരുഡന്‍ തൂക്കം

Ans :  വവ്വാൽ

 

പോകുമ്പോള്‍ നാലാള്‍ നാലുനിറം വരുമ്പോള്‍ നാലാള്‍ ഒരു നിറം

Ans :  മുറുക്കാൻ

 

വെള്ളത്തില്‍ പിറന്ന് വായുവില്‍ വളര്‍ന്ന്

Ans :  കൊതുക്‌

 

താമസമെല്ലാം മൂക്കന്നൂരിൽ, കാലുകൾ രണ്ടും ചെവിയന്നൂരിൽ, ഇടയ്‌ക്കു വാസം കൂടന്നൂരിൽ; ഞാനാരെന്നു പറഞ്ഞീടാമോ?

Ans :  കണ്ണട

 

ആന കേറാ മല ആടു കേറാ മല ആയിരം കാന്താരി പൂത്തിറങ്ങി

Ans :  നക്ഷത്രങ്ങൾ

 

കൈയില്ല, കാലില്ല, വയറുണ്ട്‌, വാലുണ്ട്‌ നീരാടാന്‍ പോകുമ്പോള്‍ പിടിക്കും ഞാന്‍ നൂറാളെ

Ans :  വല

 

കൈപ്പടം പോലെ ഇല, വിരലുപോലെ കായ

Ans :  വെണ്ട

 

തട്ടിയാല്‍ ചീറ്റും മുട്ടിയാല്‍ ചീറ്റും ഊക്കിലൊന്നൂതിയാല്‍ ആളുമല്ലോ

Ans :  തീക്കട്ട

 

ഓടും കുതിര, ചാടും കുതിര, വെള്ളം കണ്ടാല്‍ നില്‍ക്കും കുതിര

Ans :  ചെരുപ്പ്‌

 

ചത്തു കിടക്കുന്ന പാമ്പ് വടിയെടുത്താൽ ഓടും

Ans :  തോണി 

 

അക്കരെ നിൽക്കും തുഞ്ചാണി, ഇക്കരെ നിൽക്കും തുഞ്ചാണി, കൂട്ടി മുട്ടും തുഞ്ചാണി

Ans :  കണ്‍പീലി